تعبت من الافكار بحاول اتماسك
واروح بروحى بعيد واحاول اتصالح
مع نفسى والايام وشعورى العاشق
عاشق للون السهر والفجر ويا القمر
عاشق لكل حنان من الزمن هربان
عاشق للون البحر وميه العطشان
بيحب دايما يجرى ورا الزمان بزمان
واليوم يمر بتقل ويحاسب النعسان
اصحى وشوف البدر فى السما سرحان
بيفكر فى محبوبه بعيده ومطلوبه
نادى عليها يا بدر وقولها تعبان
تعالى نحييى الحب ونعلم السهران
ازاى يكون الود والرحمه بالغلبان
وازاى نخلى القلب دقاته ملهاش عد
ونبوح بكل الحب ونعيش نحب بجد
يا قلب الليل زود عدد دقات النبض
داحنا تعبنا كتير ولا حد دارى بحد
هوانا يوم نرتاح فى حضن دافى بجد

نيفين راشد